குருத்து அழுகல் — பாக்கு

அறிகுறிகள்

மரத்தின் மையப்பகுதியிலிருந்து புதிதாக வெளிவரும் குருத்து இலை மஞ்சள் நிறமாதல் இந்நோயின் முதல் அறிகுறியாகும். குருத்து இலை படிப்படியாகத் தனது இயல்பான பச்சை நிறத்தை இழந்து மஞ்சள் நிறமாக மாறுகிறது. நோய்த்தொற்று தீவிரமடையும்போது, குருத்து இலை மஞ்சள் நிறத்திலிருந்து பழுப்பு நிறமாக மாறும். இறுதியில், குருத்து இலை முழுமையாக அழுகிவிடும். பாதிக்கப்பட்ட குருத்து இலை தளர்வடைந்து, சிறிதளவு இழுத்தாலே மரத்தின் உச்சிப்பகுதியிலிருந்து எளிதாக வெளியே வந்துவிடும். நோய் முற்றிய நிலையில், மரத்தின் வளர்ச்சி, மொட்டு பாதிக்கப்படுகிறது. இதனால் மரம் உயிரிழக்கும் அபாயம் ஏற்படலாம்.